Cikël poetik nga Sabile Keçmezi-Basha

Sabile Keçmezi-Basha

 

 

HIPERTENSIONI

 

Hipertensioni

Mbrëmë sulmoi

Muret e kullës prej guri

 

Eritrocitet

Në mënyrë marramendëse

U shtuan nga tharmi i tepruar

Duke ndaluar frymëmarrjen

                     e argjilës

Dhe duke shtuar mjegullnajë

                      të bardhë

 

Pse je ti fajtore

Më the dje

Të shikova si e luajtur mendsh

Dhe shkëmbinjtë u rrokullisën

Kurrizit të bleruar të stinës

Qeshi edhe thembër e Akilit

Pa kuptuar vitin 1878

Dhe

Lindjen e Krishtit

Në perëndim të diellit

Që nuk ishte vonë

 

 

UNAZË E PREMTUAR

 

Syri i majtë kishte veshur

                                këmishën

Që loti e kishte endur

Në qerpikët e merimangtë

 

Syri i djathtë

Kishte gjezdisur lakuriq

Pa mëkate

 

Loti e gishti

Qanin për unazën e premtuar

Që e kishin degdisur

                      gjithandej

Udhët e Atdheut

 

 

RRUDHAT E GLOBIT

 

Rrudha-rrudha

Të bardha

Të kuqe

Të thella

Të gjata

Tejpërtej Atdheut

 

Rrudha blatim

Në një letër të zbehur

Se mëkati është pa mëkat

Foli Profeti

Kur bisedojnë stinët

Për lëkurët e djegura

 

 

LËROVA FËRKEMET

 

Fërkemin e hapit e lërova

Dhe eca tutje

Mbi rrasa të skuqura

Nga e papara

 

Syri syrit i shkroi

Letër

 

I dërgoi me gishta

Porosi

 

E thirri në telefon

 

Tri herë u përpoq

Ta zbërthente

Enigmën e Hadit

Te lashtësia

 

 

STINËN E ZURI GJUMI

 

Në leksionin e alkimisë

Stinën e zuri gjumi

Sytë i pikturoi në kornizë

Frika e frikshme

Me flokët e llahtarit

 

E akuzova

Për shpifje

Për tradhti të lartë

Ëndrra ngeli e vetmuar

Duke numëruar

Rrudhat e panusëruara

Dhe u deh nga verë e kuqe