Gazi Buxheli: Hipokrizia

Gazi Buxheli

HYPOKRIZIA

O njerëz!

Në tregun e zi të moralit

hypokrizia mbretëreshë e këmbimit,

tretur në buzëqeshjen e shtyrë

e lotët e ç’krypur të pikëllimit…

…buzëqeshja, një vello vezulluese

mbi fytyrën e gruas mondane,

mbulesë e thellinave vrastare

për fytyrën e njerkës shtrigane…

…premtimet, dritnajë verbërimi,

si rrufe e ndodhur në qiell,

fasadë e bukës së mykur

gatuar me krunde pa miell…

…pikëllimi, me lotë krokodili,

derdhur si prrua i vrullshëm,

shpërndanë në shpirtërat tuaj

keqardhjen, si plumb i padukshëm…

...Tartuf,  gobsekë, jago e pilatë

në doni ti prekni, a shihni me sy

mos i kërkoni në libra të sverdhur,

por tek hypokriti në hypokrizi…

O njerëz, kujdes!

…Nën epshe mashtrimi, hypokrizia,

lyp orgazmën e suksesit të pritshëm,

por kurr si kap dot lartësitë

pa naivitetin tuaj të frikshëm…