Poezi nga Naim Aliaj

Naim Aliaj

Paralele

Sytë e tu që shkëndijojnë

T`gjitha rrugët mi ndriçojnë

Horizonte përvijojnë

Si shigjetë zemrën m`përshkojnë

Me energjinë që çlirojnë

Paralele që më peshojnë.

Bardhësi

Vallëzojnë  lulet  e  borës

Vello  po  i  vishen   tokës

Dil

Ah ti shega ndër shtërriqe

Dil njëherë,marren hiqe

Falju djalit sihariqe

E me shtatin tënd përpiqe

Larg injorancës

Kur me injorantë je rrethuar

Të duhet edhe ty i tillë të shtiresh

Ndoshta është gjetje e gabuar

Gjithësesi me ta s`duhet të tiresh.

Diktatori

Vdes një njeri

Përcillet me dhimbje të madhe

Lufta bën kërdi

Statistikë radhe.

Guximi

Është i nevojshëm

Në këtë botë rrufjanësh

Ku të turren kobshëm

Lloj-llojë sharlatanësh.