Gazi Buxheli: Saharaja lypsare

Gazi Buxheli

SAHARAJA LYPSARE

( Cikël )

1- MIK I ARMIQESUAR

Mes nesh s’ka ligësi,

thjesht ka keqkuptim,

prandaj Zeusi s’lëshon rrufe

e Penelopa ndjell durim…

…por druaj, o mik i armiqsuar,

teksa shoh vetëm re,

se Penelopa do bjer viktimë

e Zeusit me rrufe…

2-  SAHARAJA

Re shtullungore, me shi ngarkuar

ikin për andej nga shiu është mërziti,

kthim për nga Saharaja shi munguar

egërsisht inatçore  kurrësesi.

Sozi gjigande e dorës së njeriut,

shtrirë lypsare, skutave të planetit,

ëndërron Saharaja Polin e Veriut

e lypsari mjeran, thesaret e mbretit…

Njerëz të kamur e lumenj të gjërë

tallës,a serioz pyesin: si ka mundësi

që Saharaja ka vetëm rërë

e njeriu mjeran s’ka pasuri…?!

3- NENE  TEREZA

Në thellësitë oqeanike

botën për të shëruar,

cektina e çuditshme

e vetvetes së harruar…

…në cektinën e çuditshme

të vetvetes në harresë,

thellësia oqeanike

e mirnjohjes, si kujtesë…