Lulzim Logu: Hajku për verën

Lulzim Logu

Hajku për verën

…

Kur dhemb shpirti

Dhe zemra ther’

Ajo shuan zjarr…

…

Kurrë s’jam dehur me verë

Kam zgjuar kujtimet

Rikthyer puthjet…

…

Vera dhe buzët e saj

Ishin shkaku I vetëm

Që nuk pi më…

…

Një gotë verë e kuqe

Përtej syve që presin

Ma kujton  kthimin…

…

Kurrë tjetër s’mund

Të jem si atherë me ty

Brenda një shishje vere…

…

Vera mi njom buzët e çara

Ju kthen gjakun e humbur

Puthjeve tua…

…

Përballë teje pi verë

Ta ngjall kujtimin

Në mermer të shkruar…

…

Khajami pinte verë

Esenini gjithashtu

Dhe Safo terbohej…

…

Lavdi verës së kuqe

Dhe peshkut mbi tjegull

Që harroi të jetojë…

…

Kur të shkoj nga kjo jetë

Marr me vehte pak verë

Stërpik trishtimin e fundit…