Demir Krasniqi: Për inati

Parodi humoristiko-satirike:

            PËR INATI

Pasha Zotin, moj tezja Qefser-e ,

Edhe n’ mbetshim na gjithmonë në terr-e,

Për inati , o , t’ bacit  Sefer-e –

Nuk e la , unë , pa e ble nji kerr-e!

Pasha nanën, moj halla Dinore ,

Dhe mos paçim , na , bukë nji kafshore ,

Për inati , o , t’ atij Haliti –

Do ta blej  nji antenë sateliti !

Pasha babën, o, axha Sokol-e,

Për inati , o, t’ bacit Tomor –e,

Do ta shes , o, unë nji copë oborr-e –

Do t’ hapë firmë e do t’ bahëm Drejtor-e!

Pasha kish-e, o, pasha xhami-e ,

Për inati  t’ disa  shokëve t’ mi-e,

Do ta formoj, unë , nji parti-e –

Do t’ iu rri, unë, kolegëve karshi-e !

Pasha besën , o zotëri Skënder-e ,

Për inati , o, t’ agës Xhefer-e ,

Nuk e la , unë , pa u ba lider-e –

Kundërshtarëve me ua ba ndo ‘i  sherr-e!

Pasha bacin , moj dada Xhejlane ,

Do t’ hamë bukë , na, veç me patilxhan-e ,

Për inati , o, t’ inxhes Sadet-e –

Nuk e la sivjet pa shkue n’ det-e !

Pasha syt-e, o efa Murat-e,

Për inati , o, t’ imit kunat-e ,

Do t’ i shes , unë, krejt çka kam dukat-e –

Do ta çojmë shtëpinë në katër kat-e !

Pasha fëmijët , oh, more Tafil-e,

Edhe n’u  djegshim , na, porsi fitil-e ,

Për inati , o, t’agës Halil-e -

Nuk e lamë, na, pa shkue  azil-e !

Pasha Kuranin, o, more Isak-e,

Edhe n’më mbetshin , o, fëmijët cullak-e,

Për inati , o, t’ mixhës Rezak-e –

Nuk e la pa shkua n’ haxhillak –e !

Pasha djalin, o, moj dada Zel-e,

Edhe mos mbet-e , o, n’ oborr nji gjel-e,

Për inati , o , t’ dajës Vesel-e –

Do ta bajmë , na , dasmën në hotel-e !

Pasha besën , o, more Qamil-e ,

Edhe mos mbet-e n’ xhep as nji mindil-e ,

Për inati  t’ kumbarës Çail-e –

Do ta blejë nji telefon mobil-e !

Pasha bukën, o baci Xhevdet-e ,

Edhe n’u fikshim , o, me themel krejt-e ,

Për inati , o, t’ mixhës Bexhet-e –

Nuk e la pa u lidhë me internet-e !

*****

Teksti, muzika dhe interpretimi: Demir KRASNIQI

Gjilan, më 03.09.1994.