Demir Krasniqi: Bisedojnë nana dhe djali

BISEDOJNË NANA DHE DJALI

Djali:

Ah, moj nanë, du’ me t’ kallxu’-

Me nji vajzë, unë jam njoftu’!

Do t’ia çoj msit’t  me e kërku’ –

Si n’ ma dhashin – me u martu’!

Nana:

N’ paç vendosë, bir, me u martu’

Me atë vajzë që je njoftu’ ,

Hala msitët pa ia çu’ –

Pyete – a din me gatu’?

Djali:

Ah, moj nanë, fort m’ ke ngushtu’ ,

A po e din ku je tuj rrnu’?...

Me i pyet vajzat, a dinë me gatu’ –

Mbes për jetë, unë , pa u martu’!

Nana:

Djali i nanës, n’ëm ngofsh mu’ –

Hala msitët , pa ia çu’ ,

Merru vesh se a din vajza

Me maru’ xhemper me kërrabëza ?!

Djali:

Ah, moj nanë, fort m’ ke ngushtu’ ,

Koha e kërrabzave ka kalu’ !

Me e pyet vajzën, çka janë kërrabëzat –

Kurrë për jetë s’i  ndërrojmë unazat !

Nana:

Djali i nanës, ty t’pastë nana ,

Me u martue n’ ta pastë ana ,

Pyete, sa s’ ka ardhë te shpija –

A din nusja me qitë flija ?

Djali:

Ah, moj nanë, fort m’ ke ngushtu’ ,

Koha e flijave ka kalu’ !

Me e pyet vajzën, a qet flija –

Kurrë s’ mund t’ bie nuse te shpija !

Nana:

Djali i nanës, mos t’ lanë mentë –

Pyete – a dinë me i mjelë dhentë ?!

Dhenë e lopë me i mjelë në vathë –

Me nxanë kos e me nxanë djathë?...

Djali:

Shujë, moj nanë, e mos banë hoka ,

Mos t’ ndien kush, se na lëshon toka!

Ku dinë vajzat me i mjelë gjanë ,

Kos e djathë, tamblin me e nxanë ?!

Nana:

Ani, bir, pra mos ki dert ,

Merre nusen qysh t’ duesh vet !

Fjalët nanës, mos harro kurrë –

Merre nusen me gjithë Furrë !...

Me gjithë Furrë e Vetëshërbim –

Për me ble t’ gatshëm ushqim !

Kush nuk ka n’ shpi magjetore –

Mysafirët i çon n’ gjellëtore !

Gjilan, më 08.01.2011.      Demir KRASNIQI