Poezi nga Naim Aliaj

Naim Aliaj

Zhgënjime

Të kisha se si

Tokës t`ia ndaloja

Sensin e rrotullimit

Vetëm për një çast

Kështu nuk e di

Në do të mund të vështroja

Fundin e njerëzimit

Në egzistoftë ky rast.

E  dlira

E ëmbël       - bistak rrushi

Faqet           - zemër prushi

Zemrën        - dlirësi qielli

Vështrimin   - rreze dielli

Dashuria

Dashuri nuk do të thotë vetëm vështrim

Sy në sy

Por edhe të shohim në një drejtim

Të dy.

Sytë e sajë

Nëse i kërkoj ato sy

Mos më vini faj

Në qënien time u ndry

Tërë hirësia e saj.

Lura

Mes drurësh të lartë

Shtatë liqej shtruar

Është Lura e artë

Që i ka ofruar

Secili kthjellon

Po ai lulezambaku

Vera kundërmon

Me të zanë meraku.

Krenohem

O Mati me histori

Përreth malet me lavdi

Të janë kala me ushtri

Kush i shkeli e nuk u thy

O Mati me prehër drite

Je krenar për bij që rrite

Atdhetarë njerëz elite

N`piedestal t`kombit i ngrite

O Mati me zemër kromi

Për armikun shtrat baroti

Mrekulli je ti qëmoti

N`trojet që t`la Kastrioti