Suzana Kuqi: Një urim

Suzana Kuqi

Një urim

Mbrëmë, në pragun e ndërrimit të viteve, dëgjova diçka të trishtme nga një i ri. E pyeta se cila është ëndrra e tij.

Më tha:

“Endrra ime është të kem një ëndërr.”

U drithërova...

Sepse nuk flitet thjesht për një ëndërr, flitet për një të ri, që për momentin ndodhet përpara një të ardhmeje së cilës i mungon horizonti ku ai mund të hapë krahët...

Nuk guxova të pyesja të tjerët, as tim bir, befas pata frikë nga përgjigjet...

… Sepse nuk mund të imagjinoj që bota nesër do të jetë në duart e një brezi të cilit i mungojnë ëndrrat.

Ndaj desha të bëja një urim:

U uroj të gjithëve, nëse e kanë një ëndërr ta ndjekin e ta realizojnë, nëse nuk e kanë, ta gjejnë një...

Imperia, me 1 Janar 2011