Ari Han merr zyrtarisht stolin kuqezi

Nga Arber Hoxha - Koha Jone

Ari Han

Trajneri i ri i Shqiperise, Ari Han, u shpreh entuziast per punen e tij te sapo marre me Kombetaren kuqezi gjate konferences se tij te pare per shtyp te dhene dje ne hotel “Rogner Europark”, ne oren 15:00. Legjenda holandeze, Ari Han, tregoi shume nga karakteri i tij prej kampioni te madh perballe interesimit te jashtezakonshem te medias, ku ne krah te tij ishte Presidenti i Federates Shqiptare te Futbollit, Armand Duka, sekretari i Pergjithshem te FSHF-se, Arben Bici dhe dy zevendespresidentet, Bujar Kasmi dhe Lutfi Nuri, ish-nenkampioni i botes me Holanden ne vitet 1974 dhe 1978 rrefeu arsyet perse pranoi pankinen shqiptare: “Kam nje eksperience te madhe dhe dijeni per futbollin evropian, prandaj pranova te drejtoja Shqiperine”. Gjithashtu, ai nuk harroi te fliste dhe per presidentin Duka, i cili luajti nje rol te madh ne ardhjen e tij: “Kisha shume oferta perpara se te pranoja te merrja detyren e trajnerit te Kombetares shqiptare, por edhe pasi pranova ate, m’u ofruan shuma edhe me te medha, madje edhe Kina, ku kisha drejtuar ne vitin 2004 me kerkoi serish si trajner”, tha midis te tjerash trajneri i 19-te i Kombetares shqiptare. “I kisha thene ‘Po’ presidentit Duka dhe nuk mund t’ia ktheja fjalen. Gjate tratativave disa here kam nderruar mendje nje here ‘po’ dhe here ‘jo’, por ishte kembengulja e presidentit ne Vjene dhe gatishmeria e tyre me beri te vendos perfundimisht per te marre drejtimin e skuadres suaj”.

Ish-trajneri i Kines dhe Kamerunit pohoi se pret nga skuadra e tij te njejtin impenjim si ndaj Portugalise, ashtu dhe ndaj Maltes. Gjithashtu, ai ka kerkuar qe mos te pretendojne te dalin kampione bote. “Mos me kerkoni te dal kampion bote me Shqiperine, pasi ndryshe do te largohem qe tani”, tha holandezi, me pas vijoi, “edhe Holanda ne fillim nuk ishte nje ekip i madh, por gradualisht u be i tille. Me Shqiperine duhet pune dhe besoj se do te arrijme dicka”. I pyetur se sa e njihte ai Kombetaren shqiptare dhe futbollistet tane, ai tha: “Ne fillim duhet te me njihni mua. Por, per Kombetaren tuaj nuk kam degjuar shume. Megjithate me duhet te shikoj nje here futbollistet qe keni, per te njohur mentalitetin dhe aftesite qe kane. Pastaj do ju jap nje pergjigje me te detajuar”.

Ne fund, 59-vjecari foli dhe per grupin qe i ka rene Shqiperise per eliminatoret e Kampionatit Boteror te 2010-es: “Kemi nje grup te forte, me ekipe si Danimarka apo Portugalia. Megjithate, ne nuk duhet te kemi frike nga keto ekipe. E rendesishme per ne eshte qe te marrim pike. Une besoj shume dhe jam optimist, qe ashtu sic bera me Kinen, teksa e largova nga renditjet e uleta, do te bej edhe me Shqiperine. Duhet te largohemi nga vendi i 80-te”, perfundoi fjalen e tij trajneri i Shqiperise, holandezi Ari Han.

Grupi 1

1 Portugali
2 Suedi
3 Danimarke
4 Hungari
5 Shqiperi
6 Malte