Skënder R. Hoxha: Lirinë e kam parandjerë ndryshe

SKËNDER  R. HOXHA

(Vargje pak idhnake e krejt reale)

LIRINË E KAM PARANDJERË NDRYSHE

1.

Edhe si fëmijë

E kam kuptuar se më mungon liria

Gjithmonë kam parandjerë

Se duhet të ndodhë lufta!

Kam parandjerë

Se lufta sjell masakra,

Kufoma, varre

Pastaj –

Nënat, motrat, nuset

Me duar në gji,

Babatë që thonë –

M’u vra djali a vajza për LIRI!

2.

Kam parandjerë

Rrugët e ferrit

Që duhet përjetuar

për LIRINË…

Kam parandjerë

Dhe tokën e djegur,

Rrënime, shkatërrime,

Ndjekje, përndjekje –

Të gjitha këto për LIRINË…

Por,

LIRINË

E kam parandjerë ndryshe,

E kam përfytyruar ndryshe,

E kuptoj ndryshe,

Ta dini –

Shumë më ndryshe!...

                                    (31 janar 2010, Pejë)

SHEKULL I PISTË  

Shekulli XXI

Në troje të mia –

U nis me gënjeshtra,

Me lajka e mashtrime

E abuzime!...

Nuk i kemi pasur në traditë…

Të pafytyrët e këtij shekulli

Të pafytyrë –

Me plot gojën gënjeshtra, interes,

Të shtiret për mik

I fjalës i besimit –

Të gënjen të mashtron,

Të thotë PO –

Të del JO!!!

Burrave këto

Nuk u kanë hije

Jazëk!...

Rracë e qelbur,

Rracë e përdalë,

Jazëk!!!

                              (Shkurt 2010)