Sejdi Berisha: Por kurrë mos më rrëfeni...

POEZI NË VEND TË URIMIT PËR VITIN E RI!

Sejdi BERISHA:

POR KURRË MOS MË RRËFENI...

Duke ecur nëpër histori

Edhe nëpër shkretëtirat e saj

Më thanë

Rri këtu duke shëtitur

Derisa ta zbulosh tapinë e njeriut

Për fjalën e saktë

Për buzëqeshjen pa hile

Kërkova përgjigjen

E fshehur në kripë

Më ndihmo tani

O, vargu im përcëllues

Derisa ta zbuloj vetveten

Derisa t’i tuboj disa grimca rërë

Farën e lumturisë për ta mbjell

Atëherë më hidhni ku të doni

Por kurrë mos më rrëfeni

Për ujin, lulet as gjelbërimin

Sepse e di

Brenda vetes kanë shkrumb

Për tapitë e djegura të tokës