Vangjush Ziko: O Christmas tree

Vangjush Ziko

O CHRISTMAS TREE

Bashkatdhetarëve emigrantë

O Christmas tree!

Bredh i rritur në liri.

Bredh i rritur në dhe' të huaj.

Në dhe' hua.

Hua jeta.

Hua dhe shpresa.

Hua e ardhmja që dua.

Të kam borxh

Dhe s' më ke hua.

Borxh jetën Zotit ia kemi.

Asaj shpelle të Betlehemit.

Asaj komete

që ndriti qiejtë

Që bredhit tonë i dha jetë.

A s' është Bota

bredh i përbashkët

ku ne festojmë

bajram dhe pashkë.

I shkundim borën e mërzisë.

Dhe çdo dhjetor ne e stolisim.

Përbri drnushkës

varim pushkën

dhe...

shpresën,lule-ajmali,

gjysmë të shkrirë.

gjysmë të ngrirë

O Christmas tree!

Bredh i rritur për lumturi.

Dhjetor, 21, 2010