Kasam Shaqirvela: Ndjenjat luajnë tango

Kasam Shaqirvela

NDJENJAT  LUAJNË  TANGO

Dhe ti e hudh grepin larg

Gjuan gjithmonë në të turbullt

Në detin e mbushur me mëri

Ndjenjat tua luajnë tango

Dhe tablloja shfaqet e zymtë përsëri

Gjithnjë zgjodhe terrin, padijen ..?!

Dhe u mbështete në ta si grep

Tani solle me vete veç hijen

Dhe akoma dëshiron të bëhesh akrep?!

Edhe librin tënd  e hape pa dëshirë

Të gjithë  do ta lexojnë nga një cep

Fletat e tij do shfletohen pa mëshirë

DheTangoja ndjenjat do t’i step’

Tashmë u bë vonë, tepër vonë për tu kujtuar

Se dhimbja përpiu zemër e mushkëri

Nuk do mjaftojë as uji i detit të trazuar

Ta shuaj’ zjarrin që  m’djeg nga brenda tani.