Ali Sh. Berisha: Kroi i Bardhë

Ali Sh. Berisha

Kroi i Bardhë

Arbëria merr nga Kroi i Bardhë

Gotën me rreze Bregdielli e verë

E bartë në qetësinë e dhembjes

Për t’ia shuar etjen mortjes

Me vete ka hije të Majës’Blertë

Vatër Gallapi e fllad Qaf’Ere

Qytetërim Ulpiane e gjeografi Dardane

Në akademinë e mos harresës

Aty pushkët e rreshtuara qëllojnë

Fantazmat e pista  mesjetare

Që plisin kafshuan dhe përgjakën

Sa herë ra mjegull mbi Arbëri

Kroi i Bardhë rrjedh nën plis

Dhe e ushqen diellin e lirisë

Dhe e nxitë hënën të shetisë

Nëpër gjurmat e pavdekësisë