Dibran Demaku: Po na thinjen ëndrrat

Dibran Demaku

PO NA THINJEN ËNDRRAT

(Din Mehmetit)

Ditët dhe javët po ikin në pakthim

askund asnjë orë letrare,asnjë përkujtim

E di asnjëherë nuk ke menduar për besë

se kombi që aq shumë i këndove do të ketë harresë

Për ty lotuan Drini dhe Ereniku

me një gotë raki për ty lotoi dhe miku

E ti aq shumë i këndove edhe Çabratit

kur e pagëzoje kombin në emër të birti,shpirtit e të atit

Metafora jote- pushkë e ngrehur tek fusha tek mali

në hapërim me Zogun e Diellit të vashës, të djalit

A mund të na falësh për këtë harrim Bacëlok

ne,që në ecejaket e jetës-

ëndrat, dëshirat e shpresat po na thinjen cok