Xheladin Hamza: Zgjohu Kosovë zgjohu

Xheladin HAMZA

ZGJOHU KOSOVË ZGJOHU

Era e natës

Vërtit qiellin Kosovar

Dhe këndon këngë

Të tmerrshme...

Zogjtë nga frika

Moti kanë ikur...

Shqiponja të bardha gjakpirëse

Lirshëm shëtisin shesheve tua

Oj Kosovë...

Ah, Mitrovicë oj shpirt Kosove

Je shndërruar në ajsberg

Noton mbi ujëra të turbullta ndërkombëtare

E Ibri në shkumë gjëmon gjëmën e vdekjes...

Zgjohu Kosovë zgjohu

Se po të morri gjumi

Nën kthetrat e acarit

Nuk do të zgjohesh kurrë më!

ZGJOHU KOSOVË ZGJOHU

15. 12. 2010.