Dibran Demaku: Shqiponjë Flamuri

Dibran Demaku

SHQIPONJË FLAMURI

Në Nëntor e nisa jetën

në fushën e kuqe si gjaku

me vete mora dhe të vërtetën

t`i sjell dritë çdo konaku.

Isha në dorë të Kryetrimit

në luftë me një Perandori

në ato vite të ngadhnjimit

lart më ngrinte me krenari.

Nga dorë e Plakut-mjekërrbardhë

valova në një ballkon shtëpie

bashkë me trimat radhë-radhë

unë u bëra Flamur Lirie.

Në një qytet-si pishtari

në një shekull me stuhi

lart më ngriti Legjendari

për këtë Tokë-gjakim liri.

Nëpër shekuj,nëpër vite

me një komb-sa krenar

së bashku në rënie-ngritje

unë gjithnjë qëndroja n`ballë.

E kur vjen Njëzet e Tetë Nëntori

i shtrij krahët dhe në guri

jam Emblemë e çdo kraharori

e kam emrin: Shqiponjë Flamuri...