Skënder R. Hoxha: Ditar lufte

Skënder R. HOXHA

 

DITAR LUFTE

 

 

1.  Prolog lufte

 

Krisi

krisi

krisi

Atje në mal

krisi

Malësorja në vek

Qilim të Ri

Nisi…

 

 2. Uratë lufte

 

Yll t’u bëftë

ajo pushkë

që ndjeva

kur e zbraze

atje në mal

Krismë e parë

lufte

për Shtgë Lirie

Aty zuri fill

Akti i Tretë

I Dramës Sime

të Pakryer

 

3.Anatomi lufte

 

Unë

Mali

e Nata

jemi vetë Lufta

a thua

sa vjeçe

është kjo natë

e thinjur?…

 

 

 

 

4. Psikologji lufte

 

Në tym

S’shihet armiku

se gjej dot

as mikun

Breshër predhash

në çatinë plakë

karvane – karvane

të zymta

degdisej Raca Ime…

 

 5. Natë lufte

 

As kësaj nate

nuk i dihet

sa viktima

do të sjellë

sa vatrave

do t’u mbyllet

dera me therrë ?!

 

6. Filozofi lufte

 

NATO-ja

edhe ditën

edhe natën

me mua

Herë më përqafon

herë më kafshon

Lufta

ka fshehtësitë e veta

ka filozofinë e vet

o lum miku…

 

7. Kulla e pasluftës

 

Ngujuar

jam në Kullë

si n’të kishte

mure të forta

si n’të kishte

Pullaz të Kuq

Por

përreth kam

veç Themele të Moçme

Murana

disa almise pune

xhenierë të huaj

e hije mjeshtrish

të zhurmshëm…