Gani Qarri: Këndona një Këngë or Agim Gashi

Gani Qarri

Këndona një Këngë or Agim Gashi

Këndona një këngë or Agim

Të  shoqëruar me Sharki

një kushtuar  gurbetëqarve

Këngë për pleq edhe të ri

Këndo  për vuajtjet e mërgimtarëve

Që  në gurbet kanë përjetuar

Rrugëve të botës rininë tretur

Përgjithmonë të perënduar

Se ato askush më mirë

Si Rapsodi s`mund ti dijë

Ndaj Përjetësoj ti përgjithmonë

Me këngë që mbeten në Histori

Këndoju trojeve që e kemi  lënë

Dhe të afërmit zemërthyer

Se ne që erdhëm, këtu dhe mbetëm

Kurrë atje  për t`mos u kthyer

Këndoi vendlindjes Agim Gashi

Këndoi Atdheut dhe shoqërisë

Të cilat do ti shohim gjithnjë e më rrallë

Në  ditët tona të  pleqërisë

Këndo Agim ti si gjithmonë

Siç do Kombi dhe Shqiptaria

Dhe për këto kurrë mos ndalo këngën

Sa të rreh teli dhe jehoi Sharkia

Cyrih 1. Nëntor 2010