Vargje nga Xhevat Muqaku

Xhevat Muqaku

 

 

Ekzaminimi

 

Qeni, macja dhe ujku, të lodhur

Lëvizin katerkandet në katrorët

E fushës tek liqeni i trubullt.

Konet e mëdha, mjegullë lëshojnë.

 

Bërthama e kaltërt streson,

Tri kandet e drejta çë nisin

Neuronet pasqyruese tek

Njoftimi çë rrethon harresën

Me servim të kujdesëshem.

 

Lodhja ndihmon për sherr terrin,

Me rrugën, zik- zake të mërzitshme.

Zgjedh varianten e shpejtë truri,

Gjumin sekondë, ndeshjen e sigurtë?

E gjatë, shumë, është minuta.

 

Barmelweid, 11.10. 2010

 

 

Muqë i babës,

    foli gjyshi...

 

Kryengritës,

Fyshek, ideor,

Protestues kreativ,

Ai erdhi, një ditë,

U ngjit dhe fitoi,

Klimën globale kërcnoi.

 

Filloi me injorim,

Thyerje të ligjit,

Mbyllje të rrugicave.

Atje ku është friga,

Është edhe deriqka,

Radikale e lirisë.

 

Padrejtësia në drejtësi,

Me dorëzimin pa luftë, 

Peshën leht të tepërt,

Bërllogun dhe bojkotin,

Është dhuratë me pasoja,

Çë nuk i lëvizë ndryshimet.

 

Jashtëzakonisht e vogël,

Është knaqësia subversive,

Konfrontimi me realitetin.

E penduar, nuk kthehet dot,

Fasada, Alkoholizmi dhe

Trimi i kriposur nga deti.

 

Singen, 15.10.2010

 

 

Unë...

 

Unë, kujtoi sot: kohen e kaluar,

Fëmininë, rininë, andrrën, zgjuar...

 

Unë, krahasoi sot: ardhjen në botë

Gjumin në djep, drekën në sofër.

 

Unë, i gëzohesha; rreshtit në shkollë,

Ziles pas çdo ore, notave shembullore.

 

Unë, i largohesha: lojrave në lartësi,

Tubimeve me të marrët, tymit të duhanit.

 

Unë i pëlqeja shumë; pushimet verore te dajët,

Fluturimin me aeroplan, kostumet e babait.

 

Unë e kundërshtova: shpirtin fantazmë,

Rrolin e kukullës, thashë, themet, rrugës.

 

Unë, provova; dashurinë, helmimet, urrejtjen,

Izolimin, pickimin, fotoshtëpinë e djegur.

 

Unë, përjetova mirë: rritjen, diplomën,

Operacionet, dasmën, pavarësinë e Kosovës.

 

Singen, 25.10.2010