Demir Krasniqi: Bëni me rahmet!

           BËNI ME RAHMET !

Edhe në dhjetëvjetëshin e parë të mileniumit të ri –

Shoh njerëz të shumëvuajtur  që jetojnë n’ varfëri ,

Trup-zdeshur , këmbëzbathur - në borë e në shi ,

Çdo ditë “Luli i vocërr “ ringjallet përsëri !

Refreni:

Bëni gajret vëllezër , bëni gajret  motra ,

Zoti ju ndihmoftë -  thatë mos ju mbettë sofra!

Zgjatni dorën , hapni zemrat dhe bëni gajret,

Zoti ju ndihmoftë -  bëni me rahmet !

Në çdo shesh e n’ çdo qytet  buçet një refren –

Refren që t’ trishton e zemrën ta rrëmben !

Është himni i lypsarëve që lëkund bjeshkë e gurë ,

Sepse “Luli i vocërr” nuk do të vdes kurrë !

Refreni:

Bëni gajret vëllezër , bëni gajret  motra ...etj.

Kudo n’ rrugë e n’ sheshe , në qytetet mbarë ,

Shoh mbi gjoks të nënave – fëmijë buzëtharë,

Me sy të përlotur rrinë duke shikuar –

Kush po e zgjatë dorën pak për t’iu ndihmuar?!

Refreni:

Bëni gajret vëllezër , bëni gajret  motra ...etj.

Në  shi, n’ borë e  n’ akull , përmbi trotuar ,

Kudo njerëz të shtrirë , kudo me lypsarë –

Dyshek kanë çimenton , jastëk e kanë gurin,

Jorgan e kanë borën, shiun edhe pluhurin ...

Refreni:

Bëni gajret vëllezër , bëni gajret  motra ...etj.

Njeri pa një dorë, tjetri pa një këmbë ,

Njeri pa një sy , tjetri pa një pëllëmbë ...

Shoh shumë nëna t’ shkreta që e mbulojnë syrin –

Që t’ mos shohin njerëzit, kur fëmija i kërkon gjirin !

Refreni:

Bëni gajret vëllezër , bëni gajret  motra ...etj.

Kështu kalojnë ditën të shtrirë mbi  çiment –

Duke pritur lëmosh -  kush po u jep ndo ‘i  cent ?!

Dhe  kur të vijë terri - treten ndër sokaçe –

A t’ blejnë bukë për fëmijë, a të blejnë ilaçe ?!

Refreni:

Bëni gajret vëllezër , bëni gajret  motra ...etj.

Gjilan, 18.10.2010.                       

Demir KRASNIQI