Kasam Shaqirvela: Dritë shpirti

Kasam Shaqirvela

DRITË  ShPIRTI

Zemra është si trëndafili,

po spati dritë ai nuk çelë,

aromën e mba për vete

fletave të pipit mshelë

Rrezja e parë kur e puthë

dhuron shpirt n’të tija fleta

buzëqesh petalja në të çelur

sërish asaj i kthehet jeta

Edhe zemra po se ndjenë

dritën e shpirtit në agim

ajo fuqishëm nuk rreh, por

veç meket në zhurnim

Ajo e pret trëndafilin

me aromën e tij ta deh

pastaj vetë në pulsim

nëpër pellgje dejsh

të rreh e vetëm të rreh!