Janaq Pani: Një kujtesë për Europën

Janaq Pani

NJË KUJTESË PËR EUROPËN

Si ndodh që gjuhën më të lashtë

njëzëri shpallur nga gjuhëtarët

Europa plakë e lënka jashtë,

një vend s'u gjet dhe për shqiptarët.

Europën - model demokracie

nuk dua që ta ve në faj,

por këtë Gjuhë Perëndie

e vlen ta marrë në gjinë e saj.

Ka rritë Shqipëria perandorë

dhe një Kalorës të Krishtërimit,

e mbrojt' Europën me shpatë në dorë

e syrin mbante drejt Perëndimit.

Ndaj bëj detyrën Europa plakë

 e laj një borxh shekuj harruar,

në besë, shqiptari hidhet në flakë

e mbas nuk kthehet i turpëruar...