Istref Haxhillari: Ikje

Istref Haxhillari

Ikje

Kjo ditë vjeshte po vdes

Krahëve të zogjve shtegtarë

Qielli i bronztë tërë dhimbje

Rrëzohet mbi korijen e zhveshur

Ende fryn Kriveci

Nën flamujt e frymës tënde

Anijet e bardha

Kalojnë nëpër lumenjtë e gjakut

Po janë larg ato limane

Të fatit

Ku vjeshta lidhte ylbere

Rreth gushës

E këndonte për dashurinë time

Dhjetëra gishta prekin këtë ditë

Aroma e ishujve të largët

Përkundur në ëndërrimë të buta

Po iki…

Shoh hënën e argjëndtë

Që këputet nga degët e vjeshtës

Dhe bie në varrezën e gjetheve

Pogradec, 14 shtator 2010, e martë