Vangjush Ziko: Aktorit Llazi Serbo

Vangjush Ziko

IN MEMORIAM

Aktorit Llazi Serbo

Skena është jetë.

Jeta është skenë.

Në skenë ngjitet njeriu.

Heroi zbret në jetë.

Kush është aktori?

Kush është njeriu i vërtetë?

Kjo armë në dorë si të mbiu?

Nga rekuizita e more

Apo t'u fanit papritur!

Të paskesh mbetur në xhep

Ky fishek i pashkrehur nga rolet e tua!

Do shlodhesh,

Do flesh

Përjetë i prehur

Aktori dhe njeriu bashkuar.

13 Shtator  2010