Sami Islami: Mushkaja

MUSHKAJA

Në veturë , duke udhëtu,

Jonit diçka iu kujtu

-Unë, tha, dje isha te daja,

Befas më pickoi mushkaja!

Aty ku ajo më thumboi,

Besomëni , shumë  më iritoi

Më kruhej vendi, shumë, pa masë…

U hidhërova, veç me plasë!

-Mushkaja kështu jeton,

I flet nëna  të voglit Jon,

Kur thumbon ajo pi gjak

S’dallon as fëmijë , as plak!

Bile ajo bën edhe më keq,

Lëshon një helm aty , për dreq

Që trupi i njeriut s’e duron

Prandaj kruarje të fortë shkakton.

Joni dëgjoi me interesim,

Por s’u kënaq me këtë shpjegim!

-E di  mirë se ajo pi gjak,

Për këtë s’dyshoj aspak!

Si insekt  i vogël fare,

Bën sherr t’madh,  pa hajgare!

Nuk e di se si të helmon,

E di se t’pështyn kur t’thumbon!

Sami  ISLAMI

Londër, 3.09.2010