Poezi nga Dashamir Malo

Dashamir Malo lindi ne Permet. Pas mbarimit te Shkolles se Mesme ne Permet (sot Gjimnazi "Sejfulla Maleshova"), mbaroi Akademine Ushtarake dhe me vone Akademine e Policise. Prej vitit 1990 -1997 punoi ne profesionin e tij ne qytetin e Sarandes. Ne vitin 1997 emigron ne Athine Greqi ku punoi dhe jetoi deri ne vitin 2002. Ne Greqi frekuentoi perfundoi shkollen dy vjecare per picture. Ne vitin 2003 rifillon perseri pune ne profesionin e tij si Oficer Policie dhe aktualisht eshte Shef Administrate ne Komisariatin e Policise Kufitare Sarande.

Ka botuar librat me poezi "Midis vetmise dhe heshtjes", "Precedent" dhe "Fshehja e Lotit". Ka perkthyer nga greqishtja vellimin poetik "Poezi te zgjedhura" te poetit publicistit dhe gazetarit grek Jorgos Hronas si dhe librin me esse "Vallja e cmendur e Merylin Monroe". Gjithashtu eshte pjesemarres ne antologjite poetike "Portat e harreses", "Itaka e fjales" dhe "Korsi e hapur". Ka botuar vazhdimisht cilke me poezi ne gazetat letrare te tilla si: "Drita", "Fjala", "Nacional", “Shkrimtari”, “Art Jonian”. Gjithashtu ka botuar cikle me poezi ne gjuhen greke, norvegjeze dhe gjermane.

Poezi nga Dashamir Malo

Ylberë të rremë
Cikël me poezi shkëputur nga vëllimi poetik “Fshehja e lotit”, botim i Shtepise Botuse “Milosao”, 2006

Një grua plakë

një grua plakë 
zgjohet ndaj të gdhirë 
nxitimthi del nga shtëpia 
zgjat dorën 
një copë gris prej yllit të mëngjesit 
një copë 
dhe si shami e lidh në kokë 
një plakë çemberbardhë 
me draprin e hënës në sup 
shkon nëpër ara 
të korri vetminë 
mbjellë vite e vite më parë


Humbur ti e humbur unë

nata mbeti murgatore 
pa një yll përmbi Dhëmbel 
bregu i Vjosës në shelgjishte 
gjethe pikëllimi çek

mbetën ëndrrat diku larg 
si një re që i tret era 
nëpër rrugët me gëzhoja 
ndoshta vjen a s’vjen pranvera

dhe në zemrat plot lektisje 
prilli vjen e sjell furtunë 
pas mëngjesit mjegulluar 
humbur ti e humbur unë

Fshehja e lotit

nënë 
ma dërgove çajin 
mbledhur me mundim 
nëpër rrëpira, 
unë i fsheh lotët 
para vajzës 
nga ky mall i beftë 
nga ky dreq 
që e martë 
e mira!

Athinë 1999


Eh kjo vjosë!

kjo Vjosë 
e ardhur 
degë më degë 
hakmarrëse ndaj gushtit 
qe e shteri 
ecën si e tërbuar 
shkul 
thyen 
rrëmben 
përplas 
mbyt gjithcka 
që i del përpara

eh kjo Vjosë 
e papërmbajtshme 
si një grua 
e tradhëtuar 
prej burrit!

Shkurtima

* * *
zogjtë e dashurisë 
i nis korijeve 
dhe bregoreve të tua 
të ëmbla 
e bashkë bëjmë pranverën

* * *
me dhimbje 
shkoj 
drejt dhimbjeve të mia
veç kthehem 
më njerëzor


Gramatika e gjuhës shqipe

ah 
të kasha 
të kishe 
të kishim!

ah 
të isha 
të ishe 
të ishim!...


* * *
ullinj 
nëpër kreshtat e kodrave 
si udhëtarë mitikë 
të palëvizshëm
që s’do të arrijnë 
kurrë 
për atje ku janë nisur

* * *

jam 
çasti i mbetur 
i një kohe 
të vidhisur 
e mbi vetë mbaj 
dëshmi gjuhëprera

Miqësia jonë

miqësia jonë 
gjelbërim që s’i bindet 
vjeshtës

* * *
si kufomë jam këtu 
tek valët e Jonit 
shpirti më llapaçitet

athinë 2002

* * *
shprusheni hirin 
e vatrës së shkretë 
emrin aty do ma gjeni

* * *

sërish në Cajup
ndjej hapin e lehtë të një sorkadheje
e supit më ulet një harabel

* * *
s’u kthyen më dallandyshet 
gjoni 
vajton nëpër qarre

* * *
shumëngjyrëshe 
kurmet e hurmave në vjeshtë 
si gra 
të përfshira 
nga flakë pasioni