Haxhi Muhaxheri: Uratë

Haxhi MUHAXHERI

URATË*

Zotynë

Pranoje Lutjen time

Diell të ketë

Në Mendjen e Durimit

Orëbardhat ta shpejtojnë

Ditën e gëzimit

Lulet e kësaj toke

Ilirisht

Urate le ti këndojnë bashkimit

Nuse e Ujrave

Të na i gëzoj shtëpitë

Circe Jona

Të na i mbëltoj dashuritë

Ëndrrmirat

Të na i zgjedhin Fatitë

Këngët tona

Ti pushtojne lartësitë

Amen

*Kjo poezi mori Çmimin e parë

në „Takimet e Gjeçovit“ në Zym,

në vitin 1994