Nehat Jahiu: Po të pret...

NEHAT JAHIU

PO TE PRET…

Ku je ti moj Zanë e bukur, Zanë e malit

se po digjet Guri për ty prej mallit,

ka dalur e po të prêt ty për të ardhë

ta shoh ty në trup këmishën e bardhë.

Po të prêt ty Zana aty , aty tek livadhi

nuk e din për ty se sa na e ka marrë malli,

të shoh ty me atë këmishë të bardhë

po të prêt ty atje tek livadhi për të ardhë.

Ta shoh këmishën e bardhë me dimia

atë trup tëndin të bukur si selvia,

eh, Zana sa na e ka marrë malli Gurin

me këmishë e dimia ta shoh trupin.

Po të prêt Zana ty aty, aty tek livadhi

eh, ta dish sa shumë e ka marrë malli,

aty pranë kroit seç na e ka marrë gjumi

ty Zana aty po të prêt, po të prêt Guri.

Te kroi po të prêt për të ardhur ty Zana

aty tek ajo hije e bukur, aty tek dardha,

seç na e ka marrë malli për tuat të gjatat flokë

ta puthë hëna me ty në livadh kokë për kokë.