Kadri Mani: Bashkëshortë e bashkëluftëtarë të pandarë në luftë dhe në vdekje

Kadri Mani

BASHKËSHORTË E BASHKËLUFTËTARË

TË PANDARË NË LUFTË DHE NË VDEKJE

FEHMI LLADROVCI:28.5.1956-22.9.1998 e

XHEVA KRASNIQI-LLADROVCI:

1.6.1955-22.9.1998

O tek lenë dielli-o e praron hana

Fehmi e Xhevë-o ma nuk lind nana!

Lufton Gllanasella dhe Llashkidrenoci

thërret Xheva nga Shpella komandant Lladrovci!

Ju nuk latë fëmijë po ushtarë dyzetmijë!

Rrafshi gjanë i Dukagjinit ju ruan në gji!

Nën vetëtimat që flakërojnë, rrethit vatrës rrethit hinit

gjymtyrëgjakosur lëngojnë, Rrafshi jonë çfarë përjetimit!

Të ripagëzuan- Metohi, Anamalit e Anadrinit

Nën qiell t’hapur n’stuhi, lindin uçkëistë t’rinj!

Ndër dekada ka një shekull, shkon një luftë vjen një tjetër

O Kosovë-varrezë brumbull, bijnë të rinj e pleq me mjekër!

Duke pritur na dalin thinjat, fqinjët tanë po kërkojnë sherr

Kush t`numërojë t`thyer brinjat, ndër granatime mbushur tmerr!

Loton qielli dhe lotojnë gjethet, na digjet mjekra dhe mullarët

Shtrojnë kokteje kur na zënë ethet, na i djegin grunajat e formularët

Ju lunga n`trup ne lunga n`zemër, thirrjeklithjet që s`kanë të sosur

të gjakosur jemi kokë e thembër, ushujzashkinat s`dinë të ngopur!

Masakra të këtilla nuk janë parë, spastrim etnik një popull i tërë

Shpurje e çarje me hanxharë, sytë të nxjerrur e veshët prerë!

Kështu ishte gjatë historisë, kullat tona rrënojnë topat

Përbën regjimet e shkinisë, nën raso kamat fshehin popat!

T`i qërojmë mirë naivitetet, zog shqiptarit njëherë mëso

Kundër nesh shtatë kontinentet, por pansllavizmit mos i beso!

Të qytetëruarit s`mbyllin defterët, madje as kur na i rrëmbejnë myhyrët

Madje edhe kur bëhen beteret, kur na karbonizojnë e djegin yshyret!

Na kërkojnë të ndërrojmë formë, jetojmë ndër vërria edhe zgafella

T`marrin plafin t`jepin platformë, dhe plagët na i bëjnë më të thella!

Të dalurit kombit të dalurit feje, nuk i prekin t`fëmijëve cijatat

Nuk i japin rëndësi asnjë beteje, me rëndësi janë negociatat!

Shpirti i shenjtë i Nënë Trezës, mbi ty Kosovë po pezullon

sos- Mbretërinë e Providencës, që mizoritë rreptë gjykon!

Shteti i Kosovës. ende është i brishtë

Por në rastin konkret, përjetësia është e dyfishtë!

Lufton Gllanasella dhe Llashkidrenoci

Thërret Xheva nga Shpella Komandant Lladrovci!

Ju nuk latë fëmijë po ushtarë dyzetmijë!

Rrafshi gjanë i Dukagjinit ju ruan në gji!