Demir Krasniqi: Tupani dhe surlja

                                  TUPANI  DHE SURLJA

           

Mu në shesh  t’ qytetit           

Po dridhet  Gjilani –

N’ dasmën e   hasretit                                   

Po na thërret tupani .

                       

Miq e dashamirë,

Lum që u ka vatani –

Vënia  veshin mirë

Se çka  thotë tupani !

 

Tupani:

 Grumba  ,  grumba , grumbull ,grumbull,

Mblidhen shqipet brumbull , brumbull .

Hidhet vallja rrumbull , rrumbull ,

Gjithë shqiptarët  grumbull , grumbull!

Grumba, grumba , lidhni duar ,

Besa- besë gegë e toskë ,

Se kur jeni të  bashkuar -

Do të jeni ma të fortë!...

            II.

Seç po bie surlja,

Seç po gjëmon lodra,

Vallëzojnë gra e burra,

Vëllezër edhe motra .

 

Kur t’ vallëzoni sheshit ,

O, ju gra e burra –

Vënia    mirë veshin            

Se çka ju thotë surlja !

 

Surlja:

 Tri, li, li, li, li,

Tri, li, li, li, li ...

Në ballë po na  pri

Flamuri kuqezi .

Kërceni në thembër ,

Kërceni në gishta ,

Dojuni me zemër ,                

Pa hile, pa  bishta !    

 

 

 

 

 

                                                III.

Tupani:

Bumba , tika, taka, tika ,

Hedhin valle nuse e çika .

Bumba, tika, tapa, tupa ,

Hedhin valle djem e çupa .

            Bumba, rrake , tik e tak ,

            Nuse t’ mira për merak !

            Njëra qafën si pëllumb ,

            Tjetra buzët si llokum .

 

Surlja:

Tri, li, li, li, li,

Tri, li, li, li, li,

Nusja si hyri ,

Shtatin si selvi .

            Syrin rrush të zi,

            Vetullat gajtanli ,

            Faqet gurabi ,

            Gojën si kuti.

 

                                                IV.

Tupani:

Bumba, rrumba, bum, bum,

Po banë nëna , lum, lum !

Dumba, dumba ,dum, dum,

Nusja e bukur shumë, shumë !

            Bumba , rrake tik e tak,

            Nusja e bukur me duvak ,

            Dumba, rrake tik e tak ,

            Paska shtatin si bajrak .

 

Surlja:

Tri, li, li, li, li,

Tri, li, li, li, li,

Hundën kalemli,

Qafën gastarli .

            Nusja me  kurdel,

            Ballin plot me tel ,

            Kollanin në bel ,

            Si hana kur del !

 

Gjilan, më 10.07.2010.     Demir KRASNIQI