Lindi vajzë, i vë flakën gruas

Një i ri 24-vjeçar i ka vënë zjarrin bashkëshortes së tij e cila ishte “fajtore” se kishte lindur vajzë. Ngjarja e rëndë ka ndodhur në Sarghoda, në jug të Islamabadit.

Autori i ngjarjes ka lagur me benzinë gruan dhe më pas i ka vënë zjarrin.

Viktima është ndihmuar nga fqinjët që e kanë çuar në spital, por nuk arriti t’u mbijetojë plagëve të marra.

Çifti ishte martuar prej një viti, por pas lindjes së vajzës, tre muaj më parë, marrëdhëniet e tyre ishin përkeqësuar.