Kujtim Stojku: Pema e gjakut

Kujtim Stojku

PEMA E GJAKUT

Aty n’mesin e Dardanisë

Ka mbirë një pemë e kuqe

Dhe ajo ka ngjyrën e gjakut

Po se besuat degjoni këngën e Agim Gashit.

Dëgjojeni atë zë burrëror

Që bubullon n’tingujt e sharkisë

Dëgjojeni si vajton sharkia

Nën pemën e Lirisë.

Po ja hoqët lëvoren

Po deshët provojeni

Pik pika pikon gjaku.

Në çdo skutë e rrugë t’këtij vendi

Mbi çatitë, fushat e malet e saj

Nga qielli ra shi gjaku

Prandaj n’çdo oxhak

Ngrihet bajraku.

E të gjitha këto

Ndodhën në Dardani.

Kjo tokë është vaditur me lumenj gjaku

Prandaj ka mbirë aty Pema e lirisë.

Dhe nëse s’ke par’ndokund q’t’flasin memecët

E ku ndodhi kjo mrekulli

Atje nën pemën e gjakut

Shqiptuan fjalën e shenjtë

Liri.

Ku Sllobodanit ju pre qefini

Prej së gjalli?

Në Dardani

Ku e tërhoqa si zagar për dore

Dhe e çova Sllobodanin t’lidhur në nevojtore

Aty

Nën pemën e Lirisë.