Nehat Jahiu: Kur të bëhesh nuse…

Nehat Jahiu

Kur të bëhesh nuse…

Eh, Zanë, Zanë e bukur dua të them një fjalë

kush ti fali, oj mike ato rrudha, rrudha në ballë,

pse, oj mike po digjesh e po digjesh ti si flakë

më thuaj kush don ty dashurinë për ta marrë.

Hape derën mike se duhet të vijnë bilbilat

ti vrasim ujqit mike e ti përzëmë dimrat,

ti largojmë  Zana këto kohëra, kohëra të liga

ti përzëmë nga livadhi këto të këqiat shtriga.

Të shtrihemi mike aty në tërfojë për toke

mos të na e marrin ujqit bukën prej sofre,

eh, mikja ime zemërkallur e zemërprush

nuk të don mikja ime Zana si Guri ty askush.

Eh, Zana kur i kujtoj tuat të dashurat kujtime

në prehërin tënd ato të ëmblat tuat ledhatime,

seç më ngritet shpirti pesh për ty, për ty Zana

nuk i ka harruar përqafimet as ajo hije tek thana.

Eh, mikja ime  krushqit kanë përgatit një valle

Për ty Zana e për Gurin për këtë dasëm të madhe,

duan ta shohin Zanën kur të bëhet, të behet nuse

ta shohin livadhin të mbushur, mbushur me lule.

Do të dalim mike për ti pritur dasmorët tek dera

Do ju japim ujë të kroit e do i fusim, fusim brenda,

do ti fshijmë mike plagët te kroi me shami të kuqe

sëbashku me pranverën e përgjakur kur të bëhesh nuse.