Poezi nga Arsim Halili

ARSIM HALILI

BALSAM I TURPIT

E mbarësuar

Kohë indigjene

Përbindëshat  hedhin valle

Balsam   i turpit

Urithi kryqëzon  kockat

Nuk erdha nga Kartagjena

Satanizmi i juaj nuk njeh kufij

Bien kambanat

Lajmëtari  i vdekjes

Pret në portën tjetër

GJEMBA  SHEKULLI

(   Ukshin   Hotit)

Emrit   tënd  enigmë

Dheu nuk e tretë

I ndarë nga muri me grila

Bashkë me fatin

Tjetërsohet fat- njeriu

Nga histori e gjembosur

Thuaj...

I shërove plagët  Dardani

COPËZA JETE

Dizajnë  i shkapërderdhur

Në copëza jete

Alternim   shprese

Krizantemën  do ta merr lumi

Përmasat pjesëtoni

Me ecje vertikale pa adresë

Në Lahazen  pastro fytyrën

Nga mëkatet e  gadishullit

Lahazen-  Liqen i buzëqeshjes Gjermani

MBI   KALA

(UÇPMB-ës)

Udhëtim nëpër labirinte

Çast  vdekje

Perëndia  ju bekoi

Malet ushtojnë

Brezat thurin  legjenda

Pranverë e kuqe

Mbi kala

Bismark mëkatari

Hartat i tkurr

Psherëtimat dëgjohen

Konstadini  mban besë