Luan Çipi: Duni

Luan Çipi

DUNI

Im vëlla, i vogëli i motrës

Nga katër-vetëm ka mbetur,

Ndaj gjithë dashuritë e botës

Te Duni janë mbështetur.

Për vizitë ardhur na ka,

Të nderon kur bisedon,

Ka humor e bën shaka,

Të kënaq kur e dëgjon.

Dekada, në shkollë, s’ka shkuar

Po ka qenë shofer i bredhur

Në jetë ka parë e  takuar

Njerëz të ditur e të zgjedhur.

Ka lexuar, ka mësuar

Lumit të Vlorës, rrugëtonte

Labët, trima dhe të zgjuar,

Të udhëtonin i  ndihmonte.

ZISi, ngarkuar dru zjarri

Më ato qafa gjarpëronte

 Mësuesi dhe dijetari

Mençurisht na kuvendonte.

Duni, shtrëngon fort timon

Syri pishë - veshi, te ti

Pak flet dhe shumë dëgjon

Kabina - Akademi.

Memdu Bani, je si deti

Një ke ngelur, po sa katër

Kur ti, nis nga muhabeti,

Ka lezet qoshja në vatër.

6 qershor 2010