Luan Çipi: Festat s'kanë të sosur

Luan Çipi

Festat s'kanë të sosur

28 Nëntori, viti dymbëdhjetë

Dita jonë e madhe e Pavarësisë

Ismail Qemali, si rrufe  që zbret

Shpërthen horizontet në rrugë të lirisë.

O vëllezër, në kokë nguliteni mirë

Pa këtë fitore s’do kish Shqipëri,

As Kosova jonë, nuk do ishte e lirë.

Flamuri me shqipen, formojnë histori.

I bekuar ngelet dhe Viti Njëzetë

Lufta e Vlorës, me dëshmorë mijëra

Kur breshkamanët u hodhën në det,

Nga Kongresi Lushnjës lindi Qeveria.

29 Nëntori, vitit dyzetekatër,

Shënon një tjetër ditë të madhe

Kur, në mbar Atdheu, në çdo shesh e vatër

Këndohej zë lart, lirshëm hidhej valle.

Me fitimtarët, përkrahu rreshtuar,

Fashistë e nazistë, rreptë kishim luftuar.

Po vitet ikën dhe ne, keq gabuam

Perëndimit mik, shpinën i treguam.

Vuajtje të pasosur, me halle të shtuar

Në rrugë  të pashkelura, gropa e baltovinë

Në eksperimente, kooperim provuar

Vështirsuam jetën, shkatërruam rininë.

Po, gjeniu popull, dhe pse skllav, i shtypur

I përfshirë në shkolla, në art e kulturë

Pati dhe arritje, një plejadë të ndritur,

Gëzime të brishta, nuse e dhëndurë.

Festat prapë rilindën, ndrydhur 50 vjet

Ra Muri Berlinit, u mposht Komunizmi,

Një etapë e ndritur ngadhënjeu për jetë,

Koha e Demokratëve dhe Polipartizmi.

Është çasti, Shqiptarë, të mendojmë së toku,

Të gjithë të bashkuar: Mitrovicë e Vlorë

Festat s’kanë të sosur. Vëllai, miku, shoku

Të punojmë për Kombin, lidhur dorë për dorë.

Vlorë, 25.05.20010