Agim Gashi - Drenica: Bilbilit të Kosovës

Agim Gashi - Drenica

BILBILIT TË KOSOVËS

(Nexhmije Pagarushës

-artiste e popullit)

Zëri yt i ëmbël

çmendi zogjtë e malit,

zëri yt e çoi Rexhën

- nga grazhdi i kalit.

Zëri ytë i ëmbël

zemrat na i çon peshë,

kur këndon "Mora testinë"

kur këndon për bareshë.

Qe sa po mendoj

dot s’po i bie në fije,

të të thërras Ty bilbil

apo bilbilat - Nexhmije!

25.05.2010,Francë