Luan Çipi: Nipi im, në foto

Luan Çipi

NIPI IM, NË FOTO

Buzë e hundë të vogël,

Sytë engjëllorë.

Po loz me një  gogël,

Që e dredh në dorë.

Nikolas i dashur,

Mjaltë i mjaltit, ti

Të shoh, zemër plasur,

Veç me foton ri.

Kur më pikojnë lot

Rrjedhin pika- pikë .

Je në tjetër botë,

Larg, në Amerikë.

Shpesh shoh duke qarë

Gjyshen, trupin dredhur,

Muaj pa të parë.

Pa të përkëledhur.

Po, më mban një shpresë

Dhe ditët i shtyj,

Si  Shqiptar me besë.

S’pyes për pleqëri.

Im bir, më premtoi:

Për këtë korrik,

Do të ta dërgojë

Ca muaj, për mik.

Ti, na fal gëzim,

Heq mërzi e mall,

Jetët përtërin

Puthja gushë e ballë.

14.05.2010