Neki Lulaj: Poezi kushtuar komandantit të UÇK-së, Ekrem Rexhës

Neki Lulaj

(Poezi kushtuar komandantit të UÇK-së së zonës operative të Pashtrikut Ekrem Rexhës me rastin e 10 vjetorit të atentatit politik)

EKREM REXHËS

Komandantit të Pashtrikut,

luftëtarit trim kundër armikut,

të betuarit në tokë atrore,

që ua kthej topin qyqeve sllavrore.

Në notat e Zambakut të Prizrenit,

digjet shpirti i komandant Ekremit,

dhembje, ndrydhje, huti e krenari,

cila dorë katile komandant shtjeu mbi ty?

Fisnikëria jote dhe arti luftarak

të bëri të pavdekshëm i madhi komandant,

si gurgullon lumi i Prizrenit në qetësi,

lot e dhembje derdhin bashkëluftëtarët për ty.

8 maji i kuq i vitit 2000,

plagë e rëndë Kosovës iu shtua nga një tradhëti,

në mëngjesin e kobshëm të asaj dite,

shtatëmbëdhjetë plumba të pabesisë të goditën nga ajo pritje.

Dorë e zezë vrastare, tradhëti misterike,

nga kjo vrasje e rëndë politike,

katërmbëdhjetë nishana në trup e tre në kokë,

makabër në Kosovë, dhembje për një komb.

Vrasje me qëllime e klatante shoveniste,

që ta devalvojnë luftën kundër ushtrisë çetnike,

UÇK-ja është dhe do të mbetet në krye të historisë,

ty Ekrem Rexha do t’i thurim vargjet më të bukura të lavdisë.

Lubizhda, Prizreni dhe tërë Kosova ,

kanë respekt për ty edhe trojet tona,

vrastarët me duar të zeza të tradhtisë,

një ditë do të arrestohen nga organet e drejtësisë.

Mirënjohje për ne që të njohëm e lavdi për ty,

ti komandant Ekrem Rexha do të mbetesh në histori,

për kontributin dhe trimërinë ushtarake,

do të jesh gjithmonë shembull i mirë i çdo gjenerate.