Kasam Shaqirvela: Të fle në ëndrra gjiri

Kasam Shaqirvela

TË FLE NË ËNDRRA GjIRI

Se ç’e kam një dëshirë të flaktë

e më djeg nga brenda ashk

dua të rri së bashku me ty

e të futem thellë,brenda thellë

në botën tënde e imja dashuri

sikurse futet një i gjirit fëmij'

e ta haroj un‘ veten në ty

Aty të pushojë qetë, qetë

të fle në ëndrra gjiri lehtë

si të isha foshnjë e njomë

në krahun e nënës së vetë

aty nën hijen e një bliri

lule e porsaçelur ulliri

Të fle në të mëmës gji

të bëhem i saji, i vogëli fëmij’

s'dua për veten më të dijë

as për halle as për mirësi

vetëm një herë të jem i qetë

me trup dhe shpirt, fillkat vetë

ta ndali kohën aty pranë

bashkë me tik-takun e orës

e mos t'ia di fare aspak

për jetë apo vdekje, dhe

kësaj mënxyre t'i vë kapak

që ma këput shpirtin tinëzisht

e më torturon në ndjenja

marrëzisht, ashtu çnjerëzisht

Prandaj dhe un’ dua të fle i qetë

siç fle foshnja në djep të vet

s'dua të di më për kështu jetë

për këtë sherr prej ferri të vërtetë

ku langojtë lirshëm gjezdisin

e zagarët laro vetë qeverisin

ku përparon vetëm idioti, e ku

zënë vend rrena dhe komploti

ku tradhëtia n'krye të vendit ulet

ku i miri të keqit, “poftim” i përkulet

ku shpirtzitë ta zbardhin trupin

duke ta pirë gjakun ngadalë, e

bëjnë sehir  me lodër n’magjupin

në komë të shpirtit të mbajnë

dhe nuk të lënë as të vdesësh,

e as të jetosh si njeri i gjallë?!