Poezi nga Elisa Gjerani

Elisa Gjerani lindi me 06.01.1991 ne qytetin e Elbasanit.
Shkruan poezi që në moshë fare të re. Aktualisht është spikere në TV “Elbasani”.
Është antare e lidhjes së shkrimtarëve "Kostandin Kristoforidhi" në qytetin e Elbasanit.
 

Elisa Gjerani

Poezi

Urdhëresë!

Mendime, hiqini prangat

dilni nga burgu i arsyes.

Jetoni një herë të vetme

     Të lira …

Të pandarë.

Shkela në rërën e shpirtit tënd

dhe padashur në të

seç lashë gjurmë.

Ti je dallga e detit

ndërsa unë

e jotja shkumë.

Ilegal

Përherë më ka tërhequr

drita e kuqe.

Këtë e pranoj.

Por ti je …. e do te mbetesh

një minierë ilegale

e unë s’mundem të të gërmoj….

Në kalin e bardhë

Nga lotë elisianë

u lag rëra e shpirtit.

Nga lotë që shkaktoi

tradhëtia – dhimbje

Ti eja!

Eja përsëri!

Ardhjen në kalin e bardhë

do t’a pres, pa lot elisianë

pa dhimbje….

pa shi….

Unë jam një ikje…

Malli i vjetër, veç dhimbje

më ka lënë në kraharor.

Rininë e rreme jetoj kështu.

Unë jam një “ikje”

nuk kam një emër.

Ti mos më duaj!

Më mirë kështu….

Me sytë nga largësia.

Në sy më rëndon

rimeli i tepruar.

Ndërgjegjia më ngjan

si gur sizifian.

Termometri i durimit

digjet i tërbuar.

Të dua më shumë

Kur pranë s’të kam.

VELLO E PAFAJËSISË

Me fustanin e ëndërrave,
eci drejt altarit të zhgënjimit.
Në kokë, vello e pafajsisë
në këmbë, këpucët e hutimit.