Përparim Hysi: Dita e Novruzit

Dita e Novruzit*

Nga Përparim Hysi

Erdhi Dita e Novruzit edhe unë jam bektashi

Dhe me mëndje,dhe me zëmër,jam atje:në Shqipëri!

Unë Pegazin kam shaluar dhe purtekën nuk ia ndaj

Jam aq shumë i përmalluar;mu në fshat frymën e mbaj

Qëngjin pirës ther babai dhe unë  shpretkën ha të gjallë

Pse më duket se në hell  jam vënë vet aty,mbi zjarr?!

Se jam larg nga vëndi im;larg e larg:në fund të botës!

Por ka ikur fluturim,shpirti im në ballë të odës?!

Ku janë mbledhur miq e shokë se është Dita e Novruzit

Unë po gati jam "ulok",si t'më zënë ethet e gushtit.

Dua të jem në vëndin tim,të festoj me shokë e miq

Miq ta dini shpirtin tim?!Shpirtin unë e kam eksiq.

Në mos jam aty me trup,unë,mes jush,jam me shpirt

Bashkë me ju po kthej një kupë për të gjithë bektashitë

Me ju bashkë po e festoj këtë ditë kaq të shënuar

Që nga larg ju uroj:-T'ma kaloni të gëzuar!

*Enkas për tëpërshëndetur  të gjithë bektashinjtë e Shqipërisë kudo që ndodhen.