Rrustem Hyseni
JU KUJTOHET
Ju kujtohet,
Kur korbat mbi kokat tona fluturonin
E bukën e fëmijëve në dorë ua hanin
A ju kujtohet,
Shi binte mbi ne
E etja na digjte n’ damar
Për një jetë të re
A ju kujtohet
Kur të vdekurit nga varri u zgjuan
Me gishta t’ përgjakur tregonin plagën në gjoks
Grushtet plot dhe fjalët rrufe
Me sy të groposur dritën e humbur kërkonin
A ju kujtohet,
Kur yjet të zjarrta u futën në zemër të tokës
Në hyrje u betuan në magje të shtëpisë
Se bukë për korba kurrë ne nuk gatuajmë,
A ju kujtohen ato fytyra që në thellësi
Të gurit historinë e re hartuan
Ju kujtohet zëri i tyre armikun trishtoi
E botën e fjetur nga gjumi e zgjoi.
A ju kujtohet
Kur gjaku foli ndër troje
Erdhi Liria! E ne tani festojmë.
https://www.zemrashqiptare.net/