Dibran Demaku: Kur feston atdheu - Çel lulja nga dheu

Shkolla me mësim plotësues në gjuhën shqipe në Bucholz,Tostedt,Hollenstedt dhe Buxtehude së bashku me mësuesin e tyre dhe me prindër,ditë më parë festuan Ditën e Pavarësisë së Koasovës.Lokali i hotelit“zum Estetal“ ishte i vogël dhe nuk i zinte pjesëmarrësit e shumtë në këtë festë.Andaj shumë pjesëmarrës më këtë manifestim  ishin të detyruar që programin festiv ta ndiqnin në këmbë.Por edhe kështu ata ishin të kënaqur me programin që kishin përgatitur nxënësit e shkollës nën përkujdesjen e mësuesit të tyre Z.Azem Xhafollit.Pjesëmarrësit në këtë manifestim kishin ardhur edhe nga qytete të tjera të Gjermanisë si nga Hamburgu,Bremeni,Ulzeni etj.

Programi filloi me intonimin e hymnit kombëtar dhe atij të Kosovës.Pastaj mësuesi i shkollës me mësim plotësues në gjuhën shqipe të qyteteve në fjalë,z.Azem Xhafolli e mbajti një fjalë rasti për luftërat dhe përpjekjet njëshekullore të popullit shqiptarë deri në arritjen e Pavarësisë së Kosovës.Ai në mes të tjerash tha:-U deshtën shumë përpjekje dhe sakrifica të kombit shqiptarë deri në arritjen e kësaj pavarësie që e gëzojmë ne sot.Shumë luftëtarë në epoka të ndryshme kohore ranë në altarin e lirisë për këtë pavarësi.Por të gjitha përpjekjet dhe sakrificat shekullore u kurorëzuan me me paraqitjen e Ushtrisë Çlirimtare të Kosovës dhe të komandantit të saj legjendar Adem Jasharit.Nga gjaku i derdhur i shumë dëshmorëve dhe martirëve çeli lulja e lirisë dhe e Pavarësisë së Kosovës!-tha në fund të fjalës së tij mësuesi z. Azem Xhafolli dhe nga të pranishmit u duartrokit gjatë.

Pastaj filloi programi i pasur kulturor-artistik i nxënësve të shkollës.Mësuesi i shkollës ishte përkujdesur që edhe programi në tërësi t`i përshtatej kësaj feste.Këngët,recitimet dhe vallet e nxënësve ishin zgjedhur në atë mënyrë që të gjitha lidheshin me këtë Festë madhështore.Programi filloi me „Vallën e pavarësisë“ që u luajt nga grupi i vajzave.Pastaj u recituan shumë poezi që bënin fjalë për. Skënderbeun,Adem Jasharin,Ushtrinë çlirimtare,atdheun,dëshmorët,shkollën shqipe etj.

Përveq kësaj u luajtën edhe vallet“Moj lule“,“Moj e lindur“,“Moj e mira e diasporës““Shpirt magjike“ e deri tek „Vallja e dasmës“ e që në njëfarë mënyre e simbolizonte vallen e dasmës së madhe të pavarësisë.

Do t`u hynim në hak këtyre nxënësve,përndryshe recitues,këngëtarë e valltarë shembullor,sikur mos T´i përmendnim me emër e mbiemër.E ata ishin:Flamur Veseli, Mevlane Veseli, Arberesha Selmani, Elmedine Veseli, Blinera Gërvalla, Blerta Voca, Dafina Brati, Albin Emini, Besarta Jaha, Ardiana Imeri, Blerta Hajrullahu, Marigina Emini, Qëndresa Imeri, Arianit Pllana, Arnisa Xhafolli, Betim Selmani, Leoni Duraku, Endrit Gërgjaliu, Klaudia Laqaj, Egzon Syla, Dion  Syla, Valentina Duraku, Albinot Syla, Leonis Kamberi, Vendlira Qyqalla, Ledijana Asllani, Egzon Hajrullahu, Azize Pllana, Bleona Gërvalla.

Ndërkaq si sponzor kryesor i këtij manifestimi edhe këtë vit ishte Bekim Duraku.Ai manifestimin e ndihmoi me një shumë të konsideruar parashë.Dhe krejt ëtë e bëri vetëm e vetëm për nxënësit dhe shkollën shqipe.

Dhe krejt në fund duhet përmendur edhe shoqërinë kulturore-artistike”Dardanët“ nga qyteti i Kilit që edhe këtë vit festën e Pavarësisë e bëri edhe më madhështore.Nën tingujt e gëzuar të këngëve të zgjedhura dhe të këngëtarëve të talentuar të kësaj shoqërie,pjesëmarrësit e këtij manifestimi kërcyen e kënduan gjerë në orët e hershme të mëngjesit.

_________