PILO ZYBA
Epigrame
GJYSHJA IME
Gjyshja që fjalës ia dinte gjithë hilet,
Më thosh: - Ki kujdes me fjalën dhe trillet
Se është një mushkë xanxare që s’lidhet.
ÇMIMI POETIK
Çmim i dhanë poetit, çmim me vlerë,
Sa një potkua kali një dekoratë.
Poeti ecte me kokën lart nëpër erë,
Çmimi kokë varur si i ngratë.
SYRI
Syri i pa ngopur
Që lodhet duke baritur,
Gjithnjë flë i uritur!
ÇOBANI I MËNÇUR
Fali kopenë
Për një zyrë e një karrike.
Tani mjelja,
I del me leverdi të madhe ekonomike.
FRERI
Fre për kafshët prodhon Veliu
Fre për kuaj, mushka e gomerë,
Por gojës së tij faqeziu
Fre nuk i vuri asnjëherë
https://www.zemrashqiptare.net/