Demir Krasniqi: Kënga jonë dikur dhe sot

Demir KRASNIQI

KËNGA JONË DIKUR DHE SOT

Dikur kur njerëzit ishin në rrugë të mbarë –

Këndoheshin këngë të tabanit kombëtarë .

Këndohej besa, burrëria, trimëria, Atdheu,

Këndohej patriotizmi që prej Skënderbeu ...

I këndohej punës, arsimit, fejesës ,

I këndohej lirisë, diellit , jetës , shpresës,

I këndohej shkollës, fabrikës , minierës ,

I këndohej bukës , luleve , pranverës...

Dikur i këndohej besës, moralit dhe dashurisë –

Sot i këndohet amoralitetit, rrugaçërisë, pornografisë...

Dikur u këndohej diplomave të fakultetit –

E sot u këndohet rrugëve të kurbetit !

Dikur këndoheshin dasmat, nuset me duvak –

Sot vajtohen vëllezërit që kthehen n’ sandak !

Sot në vend të shkollës, fabrikës, minierave –

Iu këndohet hajdutëve, narkomanëve, profiterave...!

Dikur u këndohej çerdheve t’ edukimit –

E sot u këndohet aktorëve të krimit !

Dikur kënga ishte trimëruese e fuqi baroti –

E sot është tmerruese edhe burim loti !

Zemra Shqiptare