Asllan Dibrani: Tubim i Lidhjes Shkrimtarëve, Artistëve dhe Krijuesve Shqiptar në Gjermani

Tubim i Lidhjes së shkrimtarëve dhe artistëve shqiptarë  në  Gjermani dhe manifestimi përkujtimor për vëllezërit Gërvalla dhe Kadri Zekën dhe promovim librash pikërisht  për Vëllezërit Gërvalla nga Fahredin  Tafallari dhe tjetra   nga Marti Çuni “Radio Kosova e lirë” – Arkivi – pjesa e I – II dhe III - të. Punë kolektive.

Me iniciativën  e shoqatës kulturore  „Iliria“ të Hajdelbergut, pak ditë ma parë u organizua manifestimi „Flaka  e Janarit“ në të cilin ishte  atmosferë festive me flamurin tonë kombëtar  përballë.  Fillimisht,  kryetari i kësaj shoqate, z. Sheremet Pantina  hapi programin. Ai i prezantoj  pikat e rendit te ditës. U këndua himni kombëtar , u bë edhe një minutë heshtje për dëshmorët e kombit. Pastaj, në skenë doli Blerta Pantina  me një poezi për vëllezërit Gërvalla dhe Kadri Zekën. Në foltore u ftua zoti Sami Krasniqi  me ç’rast e tha  fjalën kryesore kushtuar  dy Vëllezërve Gërvalla dhe Kadri Zeka. Z. Krasniqi  u përqendrua në historikun e aktivitetit te  Vëllezërve Gërvalla dhe Kadri Zekës.Pastaj z. Pantina i dha fjalën Kadri Gërgallës  i cili foli për 

Grupi i Lidhjes se Shkrimtarëve dhe Artistëve Shqiptarë në Gjermani

veprën e Fahredin Tafallarit  që sapo doli nga shtypi me titull “Me tre yjet e pavarësisë ne ato vite të stuhishme”. Kadri Gërvalla dha një analizë të librit kushtuar tre  trimave te heronjve  të pavdekshëm.  Tafallari në këtë libër ka sjellur mjaft argumente ,shkrime incizime dhe faksimile të veprës dhe veprimtarisë së tyre duke e çmuar e pasuruar këtë vepër edhe ma tepër. Pastaj Kadri Gërvalla theksoi se “ky libër ishte me plot ndjenja atdhedashurie dhe mu ka dashtë ta bëj një analizë  studiuese të thellë...” Sipas vlerësimit të tij, autori dha një përshkrim  shumë te thukët mbi personalitetet e  Jusufit, Bardhoshit dhe Kadri Zekës që si synim kishin çlirimin e vendit nga robëria dhe pikërisht  protagonistë ishin ata qe përjetuan skajshmerisht terrorin e regjimit serbo jugosllav deri në vdekje.

Zotëri Sheremet  Pantina lexoi një telegram përshëndetjeje nga bashkatdhetari  ynë,poeti e shkrimtari që jeton  në  Sh.B.A, Zeqir Gërvalla i cili përgëzoi të pranishmit për përkujtimin e Flakës se Janarit dhe promovimin e  librave nga Martin Çunit dhe Fahredin Tafallarit. Në vazhdim mori fjalën z. Martin Çuni, ngrohtë i përshëndeti të pranishmit dhe prezantoi  librin e ri trevëllimor dokumentar dhe vlerat e tij  me titull” Radio Kosova e lirë” Arkivi  I – II – III. e cila luajti një rol  me rendësi të madhe  për informimin në Kosovë në kohën e zhvillimit të luftës së UÇK-së.

Shënim i yni ,një nga  themeluesit e kësaj radioje është  z. Martin Çuni qe shfrytëzoi potencialin  e vet te përvojës si gazetar i ish Radio Prishtinës. Ai  la  luksin  dhe jetën në Gjermani,  ku ishte si emigrant politik, dhe  në frontin e luftës në  Malet e Berishe  e ngriti zërin e shqiptarëve përmes “Radio Kosovës se lirë“.

Martin Cuni, bashkthemelues i Radio Kosovës dhe bashkautor i veprës dokumentare “Radio kosova e lirë”

Pastaj Martin Çuni u përqendrua  ne sakrificat, përkushtimin e shokëve, mungesat  materiale dhe vështirësitë që ishin në teren nga lufta e egër e barbare serbe. Emetimi i programit të Radios Kosova e lirë  filloi ne kushte të jashtëzakonshme. Shpesh herë të sulmuar nga granatat, gjylet, bombat e aeroplanëve dhe raketat serbe. Dhe vazhdon ai, stafi ynë gjithnjë ka përdorur një taktikë lëvizëse  me qëllim të ndërrimit të vendit të transmetimit. Sadopak krijuam një pengesë për armikun. Pa marrë parasysh këto, ishim  të përpiktë, që programin ta fillojmë ne orën 16,ooh theksoi ai. Kemi dhëne lajmet nga tereni mediave te huaja por  edhe me Radio Deutsche Velen kishim një korrespondencë.

 – Arkivi -I – II - III

Më duket parasysh si sot kur e vendosëm  selinë e Radio Kosovës lirë në shtëpinë e Riza Berishës një  vend shumë strategjik për  neve por edhe befasi për armikun. Mediat serbe dolën me deklarata publike akuzuese me smirë ogurzezë dhe me akuza se nga Shqipëria u themelua Radio Kosova e  lirë... kjo ishte mjaft pengesë për forcat serbe, mirëpo ky zë mori hapësira valore edhe përtej Kosovës,  ky zë  u bë po thuajse edhe zëdhënëse për frontin e luftës .Ne vazhdim zoti Çuni theksoi se një moment e di se e kemi ndërpre emetimin  pasi na sulmuan forcat serbe me avion ushtarak ku mbi ne u zbrazen 1600 bomba kasetë nga dy aeroplanë “Mig”,  me ç´rast bombarduan selinë e radios dhe  Berishën ku vra një vogëlush dhe u plagosën 8 veta. Selia e radios nuk u godit. Me Nysret Pllanen,Ahmet Qeriqin,Nezir Myrtajn, Valdet Hotin Riza Berishën dhe me rreth 20 djem të rinj, ushtarë dhe vendës nga Berisha, Tërpeza, Llapushniku, Negrovci etj. E ndërtuam për më pak se një javë bunkerin e radios, tha Martini. Kjo vepër i ka  1100 faqe me komente, shkrime, lajme emisione te ndryshme. Kemi dhëne komunikatat e shtabit te përgjithëshëm të UÇK-së. Radio pati mungesë edhe  për kuadro ,  por ia arritëm. Tha pos tjerash ai.

Nga z. Pantina  u ftua  zotëri Halit Berishën, i cili diskutimin  e vet e përqendroj ma tepër ne biografinë e autorit  Martin Çunit. Duke filluar: nderuar miq të nderuar bashkatdhetarë  sot e ndiej veten shumë të privilegjuar dhe kam nderin të flas për veprën e Martin  Çunit ,për të kaluarën e tij si një veprimtar i veçanet ne luftë ku dha kontribut te mëdha si luftëtar ,si gazetar   i asaj kohe por dhe si shkrimtar qe pikërisht po flas edhe për veprën e qe posa doli nga shtypi “Radio Kosova e lirë” Arkivi .Për herën e parë, theksoi më tej Berisha, për Martin kisha dëgjuar në ngjarjet e vitit 1981, kur unë isha nxënës i shkollës se mesme për një njeri qe u akuzua  si armik dhe kundërrevolucionar  nga jugosllavet. Për Martin Çunin u fol shumë  që ishte një patriot intelektual dhe një veprimtar i pa thyeshëm i cili edhe u dënua  me shumë vite burg nga aparatura serbe e asaj kohe. Ëndrra ime u bë realitet, kur e takova Martin Çunin  në burgun e Prokupjes ku ma vonë na transferuan në burgun famëkeq te Nishit  me të cilin rast takuam edhe shumë ish të burgosur politik në atë kohë, po  përmendi Asllan Dibranin që sot është këtu prezent ,pastaj Hydajet Hysenin Gani Kocin, Bajram Kosumin,  Sylë Mujen,Gani Krasniqin Berat Luzhen, Gursel Sylemanin që u vra ne luftën e Jezercit  në Ferizaj etj.

Halit Berisha për Martin Çunin

Në radhë të diskutimit fjalën mori Shaban Cakolli  i cili  e përshëndeti promovimin e dy librave të Fahredin Taffallarit  dhe të Martin Çunit dhe u përqendrua në biografinë e Pal Sokolit  botues i disa librave, dhe anëtar  i kryesisë se Lidhjes së Shkrimtarëve dhe Artisteve Shqiptar në Gjermani Cakolli  thesoi ecurinë e Palit në shtigjet e krijimtarisë  qysh nga Gjakova  në hapat e parë të shkrimeve të  tij .Në foltore doli  ish I burgosuri politik Tefik  Ramadani ku u shpreh çfarë motivi kishin të burgosurit politik dhe të kaluarën e tyre në periudhën e pas ngjarjeve te vitit  1981  dhe ma parë dhe propozoi që një nismë e hapjes se dosjeve  për ata qe i sollën robërinë dhe keqtrajtuan  mbi 60 vjet njerëzit ma me  influencë ne interesin kombëtar .Zoti Ramadani doli  me propozim konkret që të bëhet hapja e dosjeve  jo për t’u hakmarrë dikujt por me një komision  shtetëror te zbardhen  krimet e tyre .Ai përshkroi  arrestimin   e tij dhe përmendi disa ish inspektor  dhe gjykatës  ku sot e kësaj dite prapë gjinden  ne pozicione edhe ma te  mira ?

Ne skenë dolën tre fëmije motër e vëllezër Brikena,Bledar dhe Blegin Berisha  me këngën kush e vërua Jusuf Gërvallën  dhe  kushtuar  manifestimit  të Flakës se janarit. Ne emrin  e shoqatës kulturore” Iliria” për mbarëvajtjet e aktiviteteve dhe plan programet vjetore  foli Agim Dauti.

 Zoti Nikolle Shabani  disktimin e vet e përqendroi në  organizimin e Mërgatës shqiptare  dhe qeverive aktuale qe nuk janë duke dhëne kurrfarë  kontributi. Diaspora  shqiptare dha shumë për atje dhe u përqendrua edhe në organizimin e diasporës në “ Lobin  Shqiptar” foli edhe për pozitën e shqiptarëve në  Mal te Zi e në Greqi  për çamët dhe  pozitën e shqiptarëve në  Kosovën lindore dhe Maqedonie ma gjerë . Ali Berisha foli për etnitetin tonë shqiptar ku përmblodhi një histori të dhimbshme  të  shqiptarëve  deri ne formimin dhe  organizimin  e tyre ne frymën kombëtare duke i përshkruar  ato periudha  kohore.

Në foltore doli Fahredin  Taffallari  autor i  librit  që u promovua për vëllezërit Gërvalla dhe Kadri Zekën  .

Zoti Tafallari  foli për biografinë e  këtyre  martireve dhe përshkroi  sakrificat e mërgatës ku pati vërejtje shume ne  organet  e Shqipërisë dhe te Kosovës që pak janë duke punuar si unike për heshtjen madhore te bashkimit ne një shtet  te bashkuar me atë të Shqipërisë. Pavarësinë e Kosovës e quajti  si gjysme gëzimi dhe jo  

Brikena, Bleder dhe Blegin Berisha nxënës te shkollës shqipe me mësim plotësues

pavarësi për çka punuam  ku ceku vërejtjet  ne deklaratat e liderëve serb qe edhe sot po e quajnë  Deçanin si  djep të Serbisë. Theksoj ma tutje se  UNMIK e Euleksi duhet ta ndihmojnë këtë popull e jo në ketë forme ta plaçkitin. Begzat  Gashi  mori fjalën u përqendrua ne figurat e Jusufit, Bardhoshit dhe  Kadriut si pishtar e pararoje të lëvizjes kombëtare dhe ma në fund  edhe deri te formimi i U.Ç.K – së, dhe tha se në kombin tone ka nevojë të  bëhen reforma  si në Shqipëri,  Kosovë e ma  gjerë dhe për Diasporën shqiptare  të funksionoj  Lobi Shqiptar që do t`i rigjeneroj shumë mekanizma  në interesin kombëtar. Në radhë  në foltore doli Asllan Dibrani që i përshëndeti të pranishmit  dhe theksoj se për vëllezërit Gërvalla u fol mjaft ne këtë takim, por më vjen mirë që për t`i nderuar ata, sot po dalin  vepra të artit dhe letërsisë, siç është  rasti i librit të Fahredin Tafallarit sot, e përgëzoj  dhe e përshëndes! I uroj punë të mëtutjeshme shoqatës “Iliria”të Heidelbergut që ka dhënë shpeshherë  aktivitete, që vërtetë  janë shumë frytdhënëse pa ngjyrime politike . Për zotëri Çunin, çmoj punën e tij  dhe uroj për librat e tij, nder si bashkëluftëtar dhe shok nga ish burgosu politik. Vepra e tij dhe guximi i tij bashkë me shokët për hapjen e Radio  Kosovës se lirë , aktivitetet, fotografit e tij  janë dëshmia ma e gjallë për luftën e Kosovës që pa botimin e tyre  lufta e Kosovës mendoj se do t’i zbeh  begatitë vetës së vet .Mandej Dibrani shprehu  analizën rreth gjendjes aktuale për sot. Ai ceku se të burgosurit  politik janë duke u nëpërkëmbur , bashkëkombësit  e mi që kemi bashkëpunuar ne shtetet e Evropës si Mërgatë  Shqiptare, nga  historia e re  shqiptare, që nga  Jusufi Gërvalla  e deri  me sot po anashkalohen nga qeveritë aktuale të Kosovës,  kur dihet  se çdo gjë është nisur, iniciuar  deri ne lënien e eshtrave të qindra  heronjve që i lanë  fëmijët e tyre këtu dhe shkuan e nuk u kthyen ma kurrë . Zoti Dibrani propozoj  pastaj që të  riorganizojmë  Mërgatën Shqiptare  ne nivel Lobi, bëri thirrje që partitë politike  me  dekret ligj të shpërndahen në gjithë Evropën dhe të rregullohen marrëdhëniet  ligjore  në ndryshimin dhe interesin e Kosovës,  qe konsideroj është një politikë e dobët  duke u udhëhequr  në politiken e jashtme ,në ekonomi që është rrënuar fare, në kulturë që  është  shëmtuar nga matrapaz  kulturor në ministritë përkatëse  etj.

I një mendimi ishte  edhe  z. Can Tahiri  i cili e theksoi  riorganizimin e Mërgatës Shqiptare, Diskutoi edhe Ramadan Gashi aktivist i hershëm që dha kontribute të shumta  u angazhua për riorganizimin e Mërgatës Shqiptare  në diskutime te ngjashme  u  paraqiten edhe Pal Sokoli, Sheremet  Pantina ,Mujë Konjusha   pjestar i luftës  dhe ish i plagosur ne frontin e luftës etj.