PILO ZYBA
Epigrame
POLITIKANËT
Kur kërkojnë votë,
bëhen qëngja të butë, të bindur.
Kur ua japim,
na kthehen në uqër të uritur.
POLITIKA
Fëmër, që mbarset me fjalë e premtime,
por, në vënd të lindjeve, bën dështime.
POETI
Shkroi një rrjesht, shkroi një faqe,
fantazia e tij rrebesh.
Kthehet e lexon në paqe,
Ç'far shkroi vetë, nuk e mërr vesh!
PARLAMENT
Vënd, ku tregëtohet mënçuri e kulturë,
Kuvënd, ku një fjalë me mënd nuk u tha kurrë.
ATA QË JAPIN KSHILLA
Japin kshilla,
Kshillat e tyre, lumë, përrua.
Sa herë që kanë hall për vete,
Dalin e kërkojnë miell hua!
LAJKA
Është e ëmbël, e ngrohtë, e butë,
Të pëlqen kur dikush ta vesh,
Por të lë lakuriq nga trutë
Po e pranove si peshqesh!
PARLAMENTARI DHE GOMARI
Kur i thanë, gomar, një parlamentari,
E dini se ç’far tha gomari:
“ Soi ynë qënka me vlerë
Deri sa këtë shtet e drejtojnë 150 gomere”
https://www.zemrashqiptare.net/